👉বাতৰি কাকত জ্বলাই দিয়া ঘটনাক তীব্ৰ নিন্দা মিডিয়া এছ’চিয়েছন, অসমৰ

সংবাদ মাধ্যমৰ ওপৰত দশক দশক ধৰি ব্যক্তি সন্ত্ৰাস আৰু ৰাষ্ট্ৰসন্ত্ৰাস চলি আহিছে৷ শেহতীয়াকৈ শিৱসাগৰৰ কাৱৈমাৰীত দুৰ্বৃত্তই ‘’অসমীয়া প্ৰতিদিন’ কাকত জ্বলাই দিয়া ঘটনাত গভীৰ উদ্বেগ প্ৰকাশ কৰাৰ লগতে তীব্ৰ নিন্দা কৰিছে মিডিয়া এছ’চিয়েছন, অসমে৷ সংবাদ মাধ্যমলৈ পঠোৱা এক বিবৃত্তিত সংগঠনটোৰ সভাপতি হীৰেন চন্দ্ৰ কলিতা আৰু সচিব প্ৰধান চন্দ্ৰ কুমাৰ শইকীয়াই কয় যে বাতৰি কাকত জ্বলাই সংবাদ মাধ্যমৰ ওপৰত আঘাত হনা দুৰ্বৃত্তক শীঘ্ৰেই গ্ৰেপ্তাৰ কৰি কঠোৰ শাস্তি প্ৰদান কৰিব লাগে৷গণতন্ত্ৰৰ চতুৰ্থ স্তম্ভৰ ওপৰত এনে আক্ৰমণ কোনোপধ্যে গ্ৰহণযোগ্য নহয় বুলি উল্লেখ কৰি গৃহ বিভাগৰ দায়িত্বত থকা মুখ্যমন্ত্রী হিমন্ত বিশ্ব শৰ্মাক সংবাদ মাধ্যমৰ সুৰক্ষা নিশ্চিত কৰিবলৈ দাবী জনাইছে মিডিয়া এছ’চিয়েছন, অসমে।